香港新浪網 MySinaBlog
« 上一篇 | 下一篇 »
周周 | 28th Feb 2018, 21:51 | 心情小站 | (60 Reads)

為什麼生世間上.......

每朝鬧鐘一響,夢醒時份,心生依然怒憤,極不情願,心想....又要起床,又要返工。

日日如是,日復日,年復年,做著同樣事。返工、放工;飲食、拉屎;打機、工作。在作業地方,調校好鬧鐘,到時到候,開門、關門;放飯後又開門、關門,一日做足兩趟,實在悶得很。

壹年有三段每段最多可放兩個星期大假讓你鬆弛,但一年前就要篤定,輪到有假放又覓不到旅伴,無地方好去,終日陪著母親早餐下午茶行公園;得閒上網打機聽歌聽音樂聽鬼古賭馬仔;或好天曬就伴著母親遊車河,讓她親親大自然呼吸陽光空氣。任由母親坐在車上,我想去這去那她都無意見,總之就是毋需多走路,就能回味當年她曾走過現已變了樣老地方。

如找到老友記出發外遊,前後六七八九天過眼雲煙,時光飛逝,兩星期吃喝玩樂大假轉眼又要上班去,開心日子很快便過了。

-

-

帶著厭煩出門上班去,在等電梯時伸展一下手腳,拉一拉筋,長呼一大啖氣,好像舒發了那股倦意;想到人生於世,先做好你份工,回饋社會,供養及照顧父母,珍惜自己,珍惜身邊人,珍惜你已擁有一切。

 


[5]
周周 : 都十幾日,我認我好好懶,又唔識主動同人家拜年。
祝嚴兄身體健康!生活愉快!心想事成!平安大吉!

你有向大家拜年哦,不是發了個新年post 嗎? 反而是我沒有:P 我都不玩這個了。人大了,什麽興趣也淡了。那好,年十六,就祝你財運亨通,馬仔聼聼話話,代代平安。


[引用] | 作者 嚴明 | 3rd Mar 2018 10:31 | [舉報垃圾留言]

求其擺左個cap圖就算同大家拜左年,我都夠慳水慳力吧!

真好多謝你嘅祝福啊!我都希望馬仔生性啦,整幾粒「馬屎」(money money)咁就好咯!

[引用版主回覆] | 作者 周周 | 3rd Mar 2018 16:37

[4]

可能真係大家做人做到不奈煩了

番工放工好鬼悶,我都成日問自己咁樣‘奮鬥’落去有咩用?不過吟吟讒讒一輪,巴士一到就咩都唔記得咁飆上車死死氣上班去了 ^^

點都好,新正頭,祝周兄新春大吉,萬事如意、身體健康........篤燦^^


[引用] | 作者 尾遮 | 2nd Mar 2018 16:13 | [舉報垃圾留言]

先祝尾姐身體健康!心想事成!長命百歲!
記得有條黃大仙簽文:「邯鄲一夢幻無邊,數載身榮是熟眠,換卻錦衣歸故里,睡醒還記在心田」,即是生活過得幾好幾開心都好,突然間一覺醒來,原來係南柯一夢,根本唔係真。就好似朝朝鬧鐘一晌,原來又要起身返工又要再捱嚕,特別係星期一至星期四。

[引用版主回覆] | 作者 周周 | 3rd Mar 2018 16:52

[3]

啊,今日年十四,還是説一聲:恭喜發財!


[引用] | 作者 嚴明 | 1st Mar 2018 10:52 | [舉報垃圾留言]

過大年都十幾日,我認我好好懶,又唔識主動同人家拜年。

祝嚴兄身體健康!生活愉快!心想事成!平安大吉!

[引用版主回覆] | 作者 周周 | 1st Mar 2018 23:26

[2]

哈,怎麽這年紀才問這些問題,都應該早就想通了吧。

所以,到最後,我知道,父母的話最對,例如,結婚生仔。有了家庭,就什麽都不用想了。但如果做不到,就要努力賺錢,提早退休;培養點終生興趣,或者,盡力留住一些朋友,親人在身邊,至少一個月能見一次。

我很討厭營營役役的生活,或者,等不到有足夠財力,就會退休了:P


[引用] | 作者 嚴明 | 1st Mar 2018 10:51 | [舉報垃圾留言]

不理世事,有得玩就玩有得食就食,閱讀或睇新聞甚至賭什麼馬,都係過眼雲煙,贏就贏輸就輸,跑完問返我之前買過什麼?和人家頂撞鬧完轉頭或許最少一分鐘之後我都拋諸腦後,還叫我想得通什麼人生哲理,前景問題....;很傷身的!

[引用版主回覆] | 作者 周周 | 1st Mar 2018 23:37

[1]

周周:新年快樂!身體健康!
原來你新年放了長假。沒去旅行,你或許會感到沉悶,但可以這樣陪伴母親,也屬難得啊!相信那幾天,她內心一定很安慰!

Hipposisi
[引用] | 作者 Hipposisi | 1st Mar 2018 10:38 | [舉報垃圾留言]

先同你拜個大年,祝您身體安康!生活愉快!
唔知係咪年紀大了,好多小事想不開就會發忟蹭,成日陪住媽媽飲茶行街,行得多對得多又覺得悶、厭,心情不好語氣就重了,對住三五七日本來好地地大家便鬧翻了,雖然母親一朝半日便會主動噓寒問暖,唔嬲得耐,但自己總覺得對不起她,好端端鬧什麼情緒。

[引用版主回覆] | 作者 周周 | 1st Mar 2018 23:20