香港新浪網 MySinaBlog
« 上一篇 | 下一篇 »
周周 | 26th Mar 2010, 19:14 | 大城小鏡 | (98 Reads)

有日下午三時許放工乘巴士回家途中,竟發現鄰座有年青人在「索K」。雖然我從未試過「索K」,但食白粉、食鴉片、食丸仔和飲咳藥水等過程都可以從電視電影戲裡看得到,更甚者多年前也親眼目睹有同事躲在公司天台水箱抽水泵隱閉角落吸毒。

記得那位同事點著白蠟燭放到錫紙下,錫紙上面有白色溶液,又有上升白煙,見他含著飲管用力吸索。毒癮發作,明知有其他同事看到也不為所動,只用眼尾望一望經過同事,然後照吸如儀,旁若無人。反而我行經恐惹怒他,只好匆匆離開,視若無睹。

而那個公然在大白天車廂「索K」年青男子,俊朗,臉龐飽滿。上車時並沒有異樣,豈碼不是道友瘦骨仙。我坐在最後尾排右面窗口座位,他揀了左面先一行靠窗口位置,即是我斜對面,所以他一舉一動全在我視線裡。一小時車程過了大半,車上乘客走得八八九九。忽然看到他施施然打開一張廿元紙幣,上面盛載有白色粉末;再取出另一張廿元紙幣捲成一枝管狀物體,插在鼻孔不斷吸索。我好奇瞄了他幾次,他應知我在偷看。以他熟練手法令我吃驚,幾十秒掃勻紙幣上所有白色粉末,然後摺好兩張紙幣放回銀包,一派正氣凜然,步履輕盈,大搖大擺繼續前程。

從報章中得知近日有多宗的士司機駕車時「索K」,毒物發作,渾渾鈍鈍迷迷糊糊不知在做什麼,衝路障,撞車等事件,很令人心寒。現在竟有年青人在公共巴士上肆無忌憚吸毒,世風日下,公然公開,明目張膽。時代轉變,名人、偶像,學校、飯堂、網上兜售,集體「索K」隨處可見,或者現在很普通不過,我才是大驚小怪。


[10]

現在要購買毒品的途徑太容易,政府的「不可一不可再」又完全沒有殺傷力,感到沒有前景的年輕人,投身毒品市場簡直是輕而易舉……對下一代極不看好喔!

歐十十
[引用] | 作者 歐十十 | 9th Apr 2010 12:00 | [舉報垃圾留言]

唔好大教壞晒,名人偶像帶領潮流,令到無知少年人有樣學樣。

[引用版主回覆] | 作者 周周 | 9th Apr 2010 20:28

[9]

我已聽過不少次我有朋友,朋友的朋友,和朋友的朋友的朋友吸毒的威水事跡了.

帽子男
[引用] | 作者 帽子男 | 28th Mar 2010 21:49 | [舉報垃圾留言]

你親耳聽聞者,我親眼目睹喎!

[引用版主回覆] | 作者 周周 | 29th Mar 2010 16:54

[8]

咩世界...光天化日都夠膽索K...

以前啲道友...都係閃閃縮縮係公厠追龍...唔想俾人見到...

依家吸毒...啲人重覺得好威添...咩思想嚟架...

佢一生就咁玩完啦...

如果要報警...都要先顧慮自身安全先...要做咗佢都唔知...

阿跌
[引用] | 作者 阿跌 | 28th Mar 2010 08:29 | [舉報垃圾留言]

名人偶像個個都識都係咁做,粉絲咪有樣學樣。索K 拾幾秒鐘,報得警來人都走了。

[引用版主回覆] | 作者 周周 | 28th Mar 2010 09:39

[7]

今時今日已經沒有道德要求了,反對索K,都只是說影響身體健康而已,不是不對~~

Dozy
[引用] | 作者 Dozy | 28th Mar 2010 02:13 | [舉報垃圾留言]

變得像生活一部份,第時世界就要出產疫苗幫助減少或中和索K後遺症。

[引用版主回覆] | 作者 周周 | 28th Mar 2010 10:08

[6] Re: 周周
周周 :

明知比人見都照吸如儀,要告發佢都冇咁易,佢一係跳車走一係搵我尋仇。


其實唔係的, 一去醫院一驗血就知的了.
不過咁講, 要顧及自身安全都好重要的~


[引用] | 作者 悟樂 | 27th Mar 2010 17:14 | [舉報垃圾留言]

[5]

WO....好刺激呀~~
咁都俾周周你見到~
用紙幣包著吸索會不會唔太衛生呢...
千千萬萬隻手曾經摸過
以前媽媽經常說:銀紙好污糟,摸左一定要洗手先好食野~~~

不過..好似毒品都唔見得有幾乾淨XD

覺非
[引用] | 作者 覺非 | 27th Mar 2010 13:47 | [舉報垃圾留言]

以前睇戲梗係用透明膠袋仔裝白粉,依家膠袋要徵稅冇咁方便。最簡單藏毒工具就是用銀紙包住,即食即洗(買),可以一物二用。
毒癮發作,典床典蓆,跌左落屎坑一樣撲落去撈番食。

[引用版主回覆] | 作者 周周 | 27th Mar 2010 17:22

[4]

應該要同車長講~~~!!!
報警!!!


[引用] | 作者 悟樂 | 27th Mar 2010 13:36 | [舉報垃圾留言]

明知比人見都照吸如儀,要告發佢都冇咁易,佢一係跳車走一係搵我尋仇。

[引用版主回覆] | 作者 周周 | 27th Mar 2010 16:40

[3]

唉...

被遺忘的大英雄
[引用] | 作者 被遺忘的大英雄 | 27th Mar 2010 09:03 | [舉報垃圾留言]

索K最細年齡是13歲;梯間開索K派對21青年被補;三少年兄弟經營索K飯堂......。

唉!點解這個年代年青人越變越醜。

[引用版主回覆] | 作者 周周 | 27th Mar 2010 17:13

[2]

好激, 我未見過人索k~ 如你所說可能時移世易, 只係我地大驚小怪~

飛天火羽
[引用] | 作者 飛天火羽 | 27th Mar 2010 03:58 | [舉報垃圾留言]

原來索K真實版同電視電影做戲都一樣,可能睇慣左反而唔覺得特別,佢有佢食者。

[引用版主回覆] | 作者 周周 | 27th Mar 2010 17:06

[1]

所以…我老在想,萬不能太長壽。
見著這一代的年輕(青)人,我不想活至他們當高官、當首長的時代。

陸宜
[引用] | 作者 陸宜 | 27th Mar 2010 01:06 | [舉報垃圾留言]

一蟹不如一蟹,一代不如一代。我覺得我們年代人同現在年紀係有些差距,豈碼知道自己在做什麼。

[引用版主回覆] | 作者 周周 | 27th Mar 2010 17:01