香港新浪網 MySinaBlog
« 上一篇 | 下一篇 »
周周 | 11th Jul 2010, 12:52 | 生活小節 | (141 Reads)

人生最潦倒莫過於人又老錢又冇又周身病痛;下半生行步路都力不從心,定時定候出入醫院診所。坐著還好,自主還好,很多要人服侍,大小二便失禁;局部癱瘓,坐在輪椅等人推;自主不了,擘大口等人餵;臉部痙攣,眼光光望天光;思想紊亂,傻傻昂昂,真是苦不堪言。

是神的安排,沒積陰德,也可能是陰招毒辣咒殂人貪生怕死成百歲周身病痛都死不去結果。

Picture

Picture

分開一星期七日藥盒,單日服4.5mg,雙日服4mg抗凝血藥,每次毌需左揀右揀,揭開該日數量藥丸就往嘴裡灌,在每個星期天全數服完之後就要自行重新分配。

今早正當分門別類時,一個不留神,晨早起來「溫溫登登」雞手鴨腳將裝滿藥丸大盒撥到地上,嘩啦嘩啦散滿一地。每粒1mg赤色丸仔更與地板顏色混淆,好不容跪在地上逐粒逐粒找回。藥物需由醫院配給,不多不少剛剛夠每隔三四個月覆診時吃完。每日一定份量,續日吃,吃到生命最後為止。

藥丸不是膠囊,不能用水清洗,與塵埃染污只能當無事,大菌食細菌,遲早「香格格」。未老先衰,生活潦倒,一切聽天由命。


[10]

長期服藥, 真的會令人有點厭倦, 人總有失落的時候,周周, 好好照顧自己, 吃幾粒藥多點健康, 何樂而不為.

jade
[引用] | 作者 jade | 21st Jul 2010 07:57 | [舉報垃圾留言]

其實我算最少藥,只係最多兩粒半一日。看我爹媽他們每日都要吃幾種一共拾多粒,如:
心臟、血壓、防止骨質蔬鬆、鈣片、維他命丸;爹仲要加泌尿、眼藥,有時又咳藥水,感冒藥等。
老人病好可怕啊!

[引用版主回覆] | 作者 周周 | 21st Jul 2010 18:29

[9]

周周 千其吾好咁灰
凡事要從好處想
就算有病 只要加把勁 都可以比健康的人 活得更精彩

dan
[引用] | 作者 dan | 20th Jul 2010 03:00 | [舉報垃圾留言]

當你覺得很辛苦時候,面前所有都不再重要。重頭開始好難,放棄就最好不過。

[引用版主回覆] | 作者 周周 | 20th Jul 2010 17:58

[8] Re: 周周
周周 :
年紀越大,什麼奇難雜症便會一下子顯現出來。
想當年青壯時期曾自跨從沒大病,從未到過醫院,誰不知突如其來,殺過措手不及,過去拾年,入了三次醫院,每趟要1-2星期,仲險些去了。

周周兄,我很小就有此病,要跟足一世...有排玩。

奇證
[引用] | 作者 奇證 | 19th Jul 2010 21:54 | [舉報垃圾留言]

冇病不知病痛苦,每個人都會病,大病小病,只是時間問題;就算與生俱來,能活到這個年紀,都要多得幸運之神眷顧啊!

[引用版主回覆] | 作者 周周 | 20th Jul 2010 18:21

[7] Re: 奇證
奇證 :
周周 :「死過幾次」.......?!三句不離本行,你又講股下話。乜都試勻,才算活得精彩!

因為自己有病,其併發症會有危險,幾次可幸都冇事,所有可以話「死過幾次」。


Btw, 前幾日返總公司,終有機會再食到沾仔記,今次去斜坡上面果一間,唔係大街果一間,感覺仍然依舊,都係gum 抵食。好過麥X記多多聲。


[引用] | 作者 奇證 | 19th Jul 2010 13:32 | [舉報垃圾留言]

近年我很少再上去那邊搵食,搵日收工後走過去逛街飲下午茶。

[引用版主回覆] | 作者 周周 | 19th Jul 2010 17:03

[6] Re: 周周
周周 :
「死過幾次」.......?!三句不離本行,你又講股下話。乜都試勻,才算活得精彩!

因為自己有病,其併發症會有危險,幾次可幸都冇事,所有可以話「死過幾次」。


[引用] | 作者 奇證 | 19th Jul 2010 13:29 | [舉報垃圾留言]

年紀越大,什麼奇難雜症便會一下子顯現出來。

想當年青壯時期曾自跨從沒大病,從未到過醫院,誰不知突如其來,殺過措手不及,過去拾年,入了三次醫院,每趟要1-2星期,仲險些去了。

[引用版主回覆] | 作者 周周 | 19th Jul 2010 17:00

[5]

Re: 死,遲早者,已冇再諗啦!

對! 周周兄。死個個都會面對,人生自古誰冇死,自已亦曾經「死過幾次」,發覺其實死不可怕,但死得不甘才是遺憾,人生最緊要係活得精彩才是!

奇證
[引用] | 作者 奇證 | 15th Jul 2010 22:15 | [舉報垃圾留言]

「死過幾次」.......?!三句不離本行,你又講股下話。
乜都試勻,才算活得精彩!

[引用版主回覆] | 作者 周周 | 16th Jul 2010 16:55

[4]

倒瀉幾粒藥姐,無咁 worse 掛!無事既無事既~~

貓姿眼
[引用] | 作者 貓姿眼 | 14th Jul 2010 15:43 | [舉報垃圾留言]

死,遲早者,已冇再諗啦!

[引用版主回覆] | 作者 周周 | 14th Jul 2010 17:59

[3]

周周可能掛住睇世界盃而弄至睡眠不足才分神。用紙巾抹一抹藥丸便成啦!

不要太介懷....你仲未到未老先衰的境界。


[引用] | 作者 圓圓 | 12th Jul 2010 11:53 | [舉報垃圾留言]

我淨係睇過無線高清果四次咁多咋!
我冇理佢啊!同其它放埋一齊,死就一世,唔死大概有半世,照食可也。

[引用版主回覆] | 作者 周周 | 12th Jul 2010 17:37

[2]

我同你都差不多...同病相憐

筏印
[引用] | 作者 筏印 | 12th Jul 2010 11:19 | [舉報垃圾留言]

長期病患者

[引用版主回覆] | 作者 周周 | 12th Jul 2010 17:33

[1]

抗凝血藥係咪即係薄血丸呀?


[引用] | 作者 maggie | 11th Jul 2010 13:51 | [舉報垃圾留言]

Yes r

[引用版主回覆] | 作者 周周 | 11th Jul 2010 22:29