香港新浪網 MySinaBlog
« 上一篇 | 下一篇 »
周周 | 21st Oct 2010, 20:20 | 健康常識 | (1537 Reads)

不要看輕快餐店給你那一兩小包沙糖,通常他們都會送你飲奶茶兩包沙糖,或熱檸茶就會有三包沙糖。當然很多人講起環保講健康少糖少甜或者不想浪費多數都不要或退回一半份量。

Picture
什麼都得,為你做足一百分。

 

不講不知,原來沙糖有種特殊好處。所以我就不會退回,多出來的一小包沙糖會儲備留為己用,不是日後用來飲奶茶,而是放在銀包裡用作自救之用。

最大處理是用來止血,特別是口腔,熱氣時或進食期間心不在焉,邊吃邊說話,講多錯多就最容易不自覺咬破自己舌頭、腮、牙肉。食得太辣也會引致口腔炎、上顎出血等等。尤其是我每日要服食「薄血藥」,血液特別稀,有損傷便會流血不止。這時用口含少許沙糖或直接將沙糖倒入傷患處,無論多大傷口,血都會立即止住,不致尷尬當場。以前試勻又熱水又凍水冰水鹽水通通都沒法止得住,唯有用上沙糖這個經驗,萬試萬靈。傷口小也可「嗒」糖,但沒有沙糖來得快止得快。

記得有年去北角城市花園某酒店同事結婚喜宴,開心瘋狂吃喝玩樂,又吃得太多辛辣美食,臨散席時突然咬損了舌頭,大量血液噴出,檯布餐巾也染紅了,雖然當時未病發要服「薄血藥」,但也夠嚇煞旁人。經驗所致,不慌不忙請侍應找來一碟沙糖就往嘴裡灌,不消兩秒,血立即截流,傷患處只形成一個紅紅像火山口痕跡。

剛才晚飯時密密口想吃清剩餘蝦米粉絲炒椰菜也會忽然開口咬破嘴唇,用紙巾「印」「索」也沒用,幸好及時想到儲起小包沙糖胡亂放在家中每個角落,隨手便可拿到一小包,像毒癮發作一樣,即撕開即倒在口腔裡,完成。沒有影晌之前心情,繼續品嚐由家母烹調撚手靚菜。

原來沙糖不單止可用來止血,上網查一查,還可以美白肌膚。一星期一次用沙糖磨面、洗面,有去死皮、除暗瘡紅印,像做磨沙一樣,有護膚和擴張毛孔功效。


[6]

咁強,太神啦,咁你都諗到.....

MinSin
[引用] | 作者 MinSin | 6th Nov 2010 11:35 | [舉報垃圾留言]

有次整損口腔,用熱水冰水鹽水漱口都唔得就隨手搵包沙糖撻落去,哈!又OK啵!
其他敷面磨面就係上網睇到另類方法。

[引用版主回覆] | 作者 周周 | 6th Nov 2010 16:35

[5]

嘩!真係未聽過喎,可以止血?多謝分享!

Dozy.第一桶金
[引用] | 作者 Dozy.第一桶金 | 31st Oct 2010 03:45 | [舉報垃圾留言]

不單可以止血,仲可以磨面、洗面,去死皮、除暗瘡紅印;還有片糖蔗糖覺得口淡淡時,整塊來嗒下都唔錯。想蛀牙血糖低時候也可以找來吃,幾好啊!

[引用版主回覆] | 作者 周周 | 31st Oct 2010 15:36

[4]

我屋企有各種砂糖,黃砂糖,粗幼,糖霜etc,冇左佢地唔知點做cake,從來冇聽過可止血,切傷可唔可以?有冇試過?

jade
[引用] | 作者 jade | 27th Oct 2010 11:53 | [舉報垃圾留言]

我剩係試過咬破唇腮口腔潰瘍傷口沁血,沾些少沙糖便能止血。但傷口太大如刀傷挫傷應該找醫生處理好過自己亂攪。

以前屋企經常收藏有砂糖黃糖片糖,但細路仔最鐘意偷糖食,糖又甜又好味,所以食到依家好多爛牙。

[引用版主回覆] | 作者 周周 | 27th Oct 2010 17:52

[3]

hehe....老友原來你都係成日食野咬親自己架?

同道中人上


[引用] | 作者 貓姿眼 | 23rd Oct 2010 16:18 | [舉報垃圾留言]

咪係囉,食緊掛住諗野,心不在焉;又或者一路食一路講,唔覺意實會碰到個口腔皮。

[引用版主回覆] | 作者 周周 | 23rd Oct 2010 17:32

[2]

唔講唔知呢...
原本沙糖咁有用的!
上火熱氣時經常咬損舌頭和腮,下次等我試下先^^
謝謝周周的分享!

覺非
[引用] | 作者 覺非 | 22nd Oct 2010 18:27 | [舉報垃圾留言]

沙糖好過敷冰,一流!

[引用版主回覆] | 作者 周周 | 23rd Oct 2010 17:33

[1]

唔講都省唔起, 通常我直頭唔要
有時釣魚就用佢醃蝦

筏印
[引用] | 作者 筏印 | 21st Oct 2010 21:13 | [舉報垃圾留言]

免費哦!唔好徙,叫起手上黎唔駛下下開聲問。

[引用版主回覆] | 作者 周周 | 22nd Oct 2010 17:05