香港新浪網 MySinaBlog
« 上一篇 | 下一篇 »
周周 | 9th Dec 2010, 22:13 | 健康常識 | (179 Reads)

「蓬」一聲血流披面,頭頂撞穿了,慶幸未致於橫臥街頭。

從未遇過血水沾濕手指,摸摸頭殼,一手是血,馬上撕開紙巾套,掩住傷口。慌不擇路,不知往那裡求助。

一時貪快,匆忙跑過馬路,以為快人一步,理想便好快達到 (早做完早吃飯)。剛好一架單車馳至,竟攔阻我去路,被迫從車尾繞過衝上行人路,正是顧前不顧旁邊豎著一杉死死實實插在路邊點紅點綠交通燈,燈號下面正正有一個不高不矮剛好和我同樣高黑盒子。一個箭步標過去,便聽見「蓬」聲悶晌,額頭一陣劇痛,立刻用手摸摸掃掃,以為碰到些少灰塵,以為不是問題,卻感覺手上濕了大片。

依然行得走得沒有「弗弗得得」(跌跌撞撞暈頭轉向),掩著傷處想走入某商廈管理處找藥貼,可是得到答覆是「你不如回去你公司啦!這裡的藥貼已用罄了。」才猛然記起,分公司就在兩個街口之隔,硬著頭皮再走回頭路。

想止血後貼塊膠布繼續完成剩餘工作才去看醫生,但是每日都要服薄血藥關係,恐怕半路中途流血不止,幾經轉折,又一次「call白車」送我進急症室。

急症室採分流制,一至五類優先候診。「第四類」要等180分鐘,「第五類」要等225分鐘。有傷痕止了血、血壓正常只屬第四類。折騰數小時,整日只喝水機過濾水,空著肚子等待見醫生,飢腸轆轆,瑟縮在狹窄寒涼候診區大堂,無所事事,苦不堪言。Picture

本來洗了傷口便可離院,但一日未到最後都會出現變數。就像某年某次快將出院,準備辦理離院手續,忽然主診醫生放心不下,囑我多留一天觀察,這時這刻便將我出院興奮心情打落十五層一樣。今日臨離開前又被急症室醫生叫回,建議我不如留院觀察,因我每日服薄血丸,很容易出血,最好就觀察多一日。

又要住院?行得走得精神沒有彷彿,自知 (同醫生判斷一樣) 傷勢沒有大礙,不過是擦破皮肉,只驚我會再出血者也。呆在醫院又悶又浪費時間,霸住張病床無病呻吟,倒不如回家休養吧!

拒絕醫生建議,自簽離院紙,一切後果自負。

病假兩日,其實得明天一日;始終在家千日好,可以上網打機寫網誌聽鬼古。

就工作頭頭碰著黑,問一問"iPhone"黃大仙簽,---- 求得93號簽。

簽文曰:「鄭衛之音不忍聽,淫風敗俗國將傾,令人深入迷津路,所奏全非古樂聲。」

一看簽文已死了半厥,這簽的確是一枝下下簽。

流年:外界的環境不大好,凡事要小心,小心駛得萬年船。

事業:工作、生意、學業都要規行矩步,不可貪快。

求得此簽,有所警惕,是可以趨吉避凶的。

早知如此早就要求教神明指點才好返工喇!


[13] Re: 周周
周周 :

吓!你咪嚇我呀!我地通常講大酒店就係鰂魚涌大吉利是果間啊!
.....不過仍然希望你令尊早日康復!


你吾知我老豆係死固執 ,好以而家啲後生仔女 ,吾鐘意痴家,一定要出家行.老豆後生時,佢話十零歲就吸煙,因為年紀大,氣管收縮.所以咪戒煙.

但一番風或天氣轉凍就中招 , 再加上又吾睇西醫 ,佢話人家收得貴 ,一定要睇政府,唯有去急症 , 但政府又收佢住院,一留院住五六,日都要成五舊水 , 仲貴過西醫...又係屎蠢


[引用] | 作者 biu5000 | 13th Dec 2010 14:25 | [舉報垃圾留言]

老人家個個都係咁盲塞,唔理後生真心對佢好,梗係佢自己果套至最醒,冇辦法啦,仲睇得佢幾耐丫,等佢開心下啦!

[引用版主回覆] | 作者 周周 | 13th Dec 2010 19:58

[12]

Wah...周周你好點了沒有,
Molala點解電燈柱有個黑盒ga…@@,你冇報警察咁危險ge環境meh? 亦感到人情冷暖,見有人流血竟回答得好冷…
iPhone 有得求籤…@@

jade
[引用] | 作者 jade | 13th Dec 2010 07:44 | [舉報垃圾留言]

iPhone真係有黃大仙簽,有免費版同付款版。

那枝係交通燈柱附設行人過路聲晌引導盲人過馬路。

我承認香港人大部份都係冷血(可能包括我在內),事不關己,己不勞心。最好就死遠些,唔好阻住地球轉。

[引用版主回覆] | 作者 周周 | 13th Dec 2010 20:06

[11]

哇,嚇死人啦
周周你沒事吧???
要小心好好保護自己的身體啊,不要欺負它呀~

某商廈管理處好過分耶!!
竟然見死不救!!
投訴投訴~~~


[引用] | 作者 覺非 | 11th Dec 2010 17:26 | [舉報垃圾留言]

死在路邊無人問,個個都係自己顧自己啦!除非慣低唔曉郁,唔想你死係度,費事有排寫。

[引用版主回覆] | 作者 周周 | 11th Dec 2010 22:48

[10]

iPhone連求簽也有?
不要那麼迷信啦,行路小心點,望清楚周圍就不會那樣撞到受傷了。

Ivy
[引用] | 作者 Ivy | 11th Dec 2010 16:22 | [舉報垃圾留言]

意外點話得埋啊!我的血比常人稀,已盡量小心避免碰撞,但都過唔到!

[引用版主回覆] | 作者 周周 | 11th Dec 2010 22:40

[9]

現在還有沒有事啊!要小心點好好保重!

肥師奶
[引用] | 作者 肥師奶 | 11th Dec 2010 13:46 | [舉報垃圾留言]

辛苦命,很快已沒事了,今日即刻要開工添!

[引用版主回覆] | 作者 周周 | 11th Dec 2010 22:36

[8]

周周多多保重

講起急症室 ,前日帶老頭子去急症室 ,佢有氣管敏感,叫在佢吾去出街會番風 ,佢一中招總係發燒及肺炎 ,而家躺在東區大酒店床休息


[引用] | 作者 biu5000 | 11th Dec 2010 12:00 | [舉報垃圾留言]

吓!你咪嚇我呀!我地通常講大酒店就係鰂魚涌大吉利是果間啊!

.....不過仍然希望你令尊早日康復!

[引用版主回覆] | 作者 周周 | 11th Dec 2010 22:32

[7]

都係你熟d...我都記錯左
十幾歲時經常幫屋企人解簽...不過都係氹人成份高d

筏印
[引用] | 作者 筏印 | 11th Dec 2010 08:51 | [舉報垃圾留言]

我只係用個iPhone查找,有碗講碗有碟講碟者。

[引用版主回覆] | 作者 周周 | 11th Dec 2010 22:26

[6]

嘩~周周你……
現在傷口還在包扎嗎?
以後不會留下疤痕吧?

靜下心來看看書也好影影相也好
不要太心急,好好休養!

難分
[引用] | 作者 難分 | 11th Dec 2010 05:52 | [舉報垃圾留言]

你有心喇!菩薩保祐,已冇事了,只是頭頂多塊黑焦~嘻!

[引用版主回覆] | 作者 周周 | 11th Dec 2010 22:24

[5]

我以為我論盡姐,原來老友你都唔弱播。

好喇,唔好講笑,我就係知自己論盡,賴得野多之後,E+謝絕高跟鞋、每步都步步為營咖,尤其是年紀都唔細,真係唔傷得幾多次咖咋。

貓姿眼
[引用] | 作者 貓姿眼 | 10th Dec 2010 17:50 | [舉報垃圾留言]

唉,意外係你想點避都避唔過,無端端咁都比我撼埋條交通燈柱掛著果舊咇咇聲的喇叭箱仔度,仲有地下又舖左整路膠板,凸高幾吋,剛好我又人高垠埋去,樣樣都咁喬,真係整定。

[引用版主回覆] | 作者 周周 | 10th Dec 2010 23:17

[4]

NONONO
99 係否極泰來之兆
最尾一句: 焉知否極泰來臨

100 係事事如意

筏印
[引用] | 作者 筏印 | 10th Dec 2010 16:45 | [舉報垃圾留言]

估不到你都好有見識,我記得100最尾果兩句為「末數莫言窮運至,不知否極泰來臨」才是啊!

[引用版主回覆] | 作者 周周 | 10th Dec 2010 23:08

[3]

自己知自己事,以後做事都係慢慢來,不要急,免得又要住醫院啦!

圓圓
[引用] | 作者 圓圓 | 10th Dec 2010 13:10 | [舉報垃圾留言]

越來越似醫院常客,三五七月又要入一入 (包括每四個月一次覆診日子)。

[引用版主回覆] | 作者 周周 | 10th Dec 2010 14:30

[2]

哎呀, 求甚麽籤, 明知自己的問題, 還亂跑亂跳, 神仙都幫不上忙. 以後要斯文點了;)


[引用] | 作者 嚴明 | 10th Dec 2010 09:56 | [舉報垃圾留言]

人高腳長步步尺七,就算行得近亦收掣不到。整定喇!記得有次成份人撞向玻璃門,額頭紅了大片,幸好那時沒食薄血丸,否則就成臉都係血。

[引用版主回覆] | 作者 周周 | 10th Dec 2010 14:36

[1]

唔怕
都年尾咯....求得93簽, 好快到1號簽
我仲記得頭2句
靈簽求得第一簽
龍虎風雲際會時

筏印
[引用] | 作者 筏印 | 10th Dec 2010 00:20 | [舉報垃圾留言]

此乃上上簽,如果可以順住落,都仲有7次捱。
94一山不能藏二虎
95謀事遇上不少阻力
96阻滯甚多
97大財較難求
98富貴一早天注定,唔駛諗
99運勢急轉直下
100工作越投入,轉運越快;即是行得快好世界,行得快又容易撼多次。 ~XDDDDD

[引用版主回覆] | 作者 周周 | 10th Dec 2010 14:57