香港新浪網 MySinaBlog
« 上一篇 | 下一篇 »
周周 | 23rd Jan 2011, 16:11 | 閒情日誌 | (112 Reads)

拾幾年向一位老同事學習挑「蟹爪」 ,蟹爪是水仙花另一種觀賞型態,矮矮短短,一球一球密密麻麻花蕊純白雙托花瓣佈滿整個水仙盤上面,一室幽香。

Picture
一盤企頭 水仙花
Picture
只見菖,就來開花-- 蟹爪
Picture
蟹爪

 

由一個水仙頭最外面一瓣一瓣細心挑開,直至見到葉、芽、苞,然後將三個水仙頭拼湊一起,放入圓盤當中,當然越多拼湊組合便越靚。說來簡單,功力要深厚,工夫少一點也不成,挑一個水仙頭就要兩小時,做一盤三個非要六個鐘頭不可。

一年挑一次,功夫也生蔬了,很多工序已記不起來。開始第一個一定會挑得不好,只憑一年前記憶找出落手方法。好有心機要好功夫能做成一盤靚靚蟹爪,斗室清香,型態優美,予人看到定會讚賞不絕。

不過平時工作勞累,閒時便沒精神做挑啄工藝。一個整兩句鐘,眠乾睡濕,眼又倦,腰又痛,十隻手指被水仙頭流出潺潺滑滑黏液醃到痛。不只挑得不好,還無端端亂發脾氣。故此這兩年也懶得去做,買現成長長企頭水花算了。

妹夫每年必送來大吉一盤,今年再買多盤蘭花點綴,我又買盤適時開花水仙已好滿足矣。

PicturePicture

花開春富貴.竹報歲平安


[11] Re: 貓姿眼

夫,雖然有另一種美態,但....除非有好多時間,否則都唔願做矣。


[引用] | 作者 steroids for sale | 30th Jan 2011 19:36 | [舉報垃圾留言]

[10]

啊爸啊媽仲諗緊買乜植物for新年好,桃花因為太涷唔識開,桔樹又唔夠大,好似唔多夠...

PONG~
[引用] | 作者 PONG~ | 25th Jan 2011 17:08 | [舉報垃圾留言]

過年買花梗係去花墟或者行年宵市場,花姿招展,花多眼亂,實難以取捨。

[引用版主回覆] | 作者 周周 | 25th Jan 2011 20:17

[9] Re: 圓圓

以前家中都會為農曆新年張羅一些擺設,也學過界水仙,家中好讓還保留著一把開水仙刀。

後來因為沒有時間,而且要水仙適時開花也很多學問,最後乾脆差不多時候才買一盤適時開花的就算了.至於成本也許會比自己挑自己開的來得貴,但總算一年一次,貴得合理也就作罷.

悠然
[引用] | 作者 悠然 | 25th Jan 2011 16:50 | [舉報垃圾留言]

正是,以前老父年年會做幾盤水仙,現在眼濛,唔敢比佢「界」。而我又懶了,挑蟹爪仲徙功夫,雖然有另一種美態,但....除非有好多時間,否則都唔願做矣。

[引用版主回覆] | 作者 周周 | 25th Jan 2011 20:22

[8] Re: 周周
周周 : 筏印 : 呢盆蝴蝶蘭...500蚊得唔得???好在我自己種...大把花..哈妹夫每年送盤桔來娘家,今年可能同妹一齊去買桔所以買埋(我以為紫羅蘭) 呢盤蘭花。費事問人幾多錢啦!不過,第日拜年講開野順便都會問的。

呢個時間買會好貴
好在我好多花開緊

筏印
[引用] | 作者 筏印 | 25th Jan 2011 13:29 | [舉報垃圾留言]

有地方又識得自己栽種就最好不過啦!

[引用版主回覆] | 作者 周周 | 25th Jan 2011 20:25

[7]

我變態咖,唔多喜歡年花,不過家裡全年會放桔梗。

貓姿眼
[引用] | 作者 貓姿眼 | 25th Jan 2011 11:27 | [舉報垃圾留言]

桔梗好喎!鎮咳祛痰藥,有催吐作用。治氣管炎、支氣管炎。
花語:柔情、順從、誠實、貞實的愛。

人比花更嬌,可想而知,物似主人型。

[引用版主回覆] | 作者 周周 | 25th Jan 2011 20:32

[6]

上聯不是「花開春富貴.竹報歲平安」嗎?^^
所以下聯是「紫蘭送清香,紅橘迎吉祥」哦

難分
[引用] | 作者 難分 | 25th Jan 2011 04:53 | [舉報垃圾留言]

咦!係啵,自己胡混寫左落尾都當冇野,真係老眼紛花添;不愧為後生可畏,叻仔!

寧欺白鬚公,莫欺鼻涕虫。

[引用版主回覆] | 作者 周周 | 25th Jan 2011 20:37

[5]

我未聽過「蟹爪」水仙, 到時要放張相比我開開眼界~

火羽
[引用] | 作者 火羽 | 24th Jan 2011 21:56 | [舉報垃圾留言]

剛剛放左張「蟹爪」相上去喇!

[引用版主回覆] | 作者 周周 | 25th Jan 2011 20:26

[4]

我未聽過「蟹爪」水仙, 到時你要放張相讓我開開眼界

火羽
[引用] | 作者 火羽 | 24th Jan 2011 21:51 | [舉報垃圾留言]

哦,我今年懶冇整,不過早年整過影低左都可以放番張在那篇幅上。

[引用版主回覆] | 作者 周周 | 24th Jan 2011 23:33

[3]

我家已經好多年沒有買花了
感覺上,新年的時候,家裡總要有一盤水仙
或是一盤大桔,才叫過年~

覺非
[引用] | 作者 覺非 | 24th Jan 2011 18:12 | [舉報垃圾留言]

點綴一下過年氣氛,還有銀柳、桃花、劍蘭,不過好貴,又驚佢擺唔到人日就提早開晒花,最好一枝枝開,開到十五元宵佳節。

[引用版主回覆] | 作者 周周 | 24th Jan 2011 23:30

[2]

原來挑一個要兩個鐘頭那麼多啊?(暈)
都是讓花農和花店的叔叔去做然後買來就好了^^
不過我想退休之後每年有時間做一盆也應該會有大大的滿足感的!

承下聯,
紫蘭送清香,紅橘迎吉祥!

難分
[引用] | 作者 難分 | 24th Jan 2011 04:03 | [舉報垃圾留言]

富貴花開都係四個大字,下聯點會攪出10個字來的.....嘻嘻。
我說挑「蟹爪」才要兩個鐘,普普通通一盤水仙好簡單咋,整一籮半佰個都係幾小時就可以擰出去賣個盤滿砵滿咯!

[引用版主回覆] | 作者 周周 | 24th Jan 2011 22:59

[1]

呢盆蝴蝶蘭...500蚊得唔得???
好在我自己種...大把花..哈

筏印
[引用] | 作者 筏印 | 23rd Jan 2011 17:17 | [舉報垃圾留言]

妹夫每年送盤桔來娘家,今年可能同妹一齊去買桔所以買埋(我以為紫羅蘭) 呢盤蘭花。
費事問人幾多錢啦!不過,第日拜年講開野順便都會問的。

[引用版主回覆] | 作者 周周 | 24th Jan 2011 22:53