香港新浪網 MySinaBlog
« 上一篇 | 下一篇 »
周周 | 7th Jun 2011, 21:17 | 心情小站 | (94 Reads)

以為一轉入冷氣房工作,就不需受日曬雨淋之苦,可以他他條條印印腳,舒舒服服愉快工作。

初嚐呆在空調房間涼冷氣味道,第一感覺好爽,好爽;好舒服,好開心,終於達成以後無憂,眉飛色舞,樂滿繽紛工作環境。

長時間死跟著「師父」學習新事物、新工序。游來又游去都是這間無煙冷氣間,不知不覺埋首工作兩個多小時,開始覺得喉乾舌渴「口擘擘」,整張嘴如同嚼臘,十足吃著漿糊膠水一樣,黐立立黏著上下顎,久久不能開口張舌。像在沙漠工作,逐漸喪失水份。

狂灌半枝水,鬼打又內急,想如廁卻離天九丈遠,強忍又不知等到何時才能解窘,對著成村人,怎能暫停趕客。

下午學乖了,濕一濕口沾一沾唇繼續上路,可憐頭上左中右三部中央分體空調,乾燥冷空氣直吹而下,誓不饒人,吸乾每人身體水份 (如能吸走我的脂肪肥膏大肚腩那就非常好了)。

下班後走在街上又熱又渴,為補充水份馬上喝掉剩餘半枝水,誰不知未及半路中途巴士上又來「意欲」,死忍難忍,忍到總站才能完事。下趟真要想想辦法計劃在那段時間,那種境況解決乾煎問題。

 


[8] Re: 周周

所以呢,有冷氣又煩,沒冷氣又煩
被冷氣吹足成日,好容易變乾屍 (嘿)
記得搽下保濕滋潤的 LOTION ^^

周周 : 作文章眼到心到手到,一氣呵成,如果個腦想啥想那就會唔記得上文下理亂晒大籠嚕!

對!!! 所以有時候的文章是會亂七八糟
不過,沒關係了,都是記錄一下生活的瑣事
大家會明白的 ^^

覺非
[引用] | 作者 覺非 | 13th Jun 2011 00:06 | [舉報垃圾留言]

早點講呢,我依家才醒起腳踭那個傷口應該是乾凍造成「爆拆」,痛左成個禮拜都仲未好。

撞鬼,大熱天時都會凍到爆拆,講比人聽實比人鬧。

[引用版主回覆] | 作者 周周 | 13th Jun 2011 20:33

[7]

可能飲多d滋潤湯水or飲品會好d wor.

jade
[引用] | 作者 jade | 11th Jun 2011 21:55 | [舉報垃圾留言]

我現在一日一枝凍飲如「葡萄適」之類,不過可能又飲慣左,唔飲就心思思。

[引用版主回覆] | 作者 周周 | 12th Jun 2011 18:20

[6]

所以話"焗冷氣"都唔係咁過癮咖..哈
長期冇汗出都唔係好事..

要做多少少運動平衡下

筏印
[引用] | 作者 筏印 | 9th Jun 2011 09:28 | [舉報垃圾留言]

今個星期跟「師父」冇乜野幫到手,所以唔習慣,第時自己上馬肯定騰雞兼忘卻口渴冷氣感覺。

[引用版主回覆] | 作者 周周 | 9th Jun 2011 20:20

[5]

長遠計,買部會噴出蒸氣的保濕機,再加點香薰,一流享受,點睇!


[引用] | 作者 魔鍊 | 8th Jun 2011 18:17 | [舉報垃圾留言]


好啊!最好不過呢。不過那裡不是自己地頭,或有人不喜歡這種味道,都係揀錯地方,如果一個人自把自為就最好不過了。一個人當然閂左佢啦!26度都好過凍僵。

[引用版主回覆] | 作者 周周 | 8th Jun 2011 18:45

[4]

點抽乾都無熱熔咁難頂既!

貓姿眼
[引用] | 作者 貓姿眼 | 8th Jun 2011 17:04 | [舉報垃圾留言]

個嘴冇唾液濕潤那三寸不爛之舌就唔識轉彎喇!我們經常對客就好難攪矣。

[引用版主回覆] | 作者 周周 | 8th Jun 2011 18:19

[3]

勤起身去添水同洗手間, 係辦公室的一種重要運動啊. 沒有這兩個動作(或借口), 你可以整日坐在電腦前不用動 :p

睡星太后
[引用] | 作者 睡星太后 | 8th Jun 2011 12:02 | [舉報垃圾留言]

成日添水同洗手間兩樣都唔得閒,行開後D客就實走晒矣!想搵番佢就要到第二日先再來,那麼當日所有事務都要積壓矣。

[引用版主回覆] | 作者 周周 | 8th Jun 2011 18:28

[2]

擺杯水係檯頭可有效減低冷氣抽乾.

不過最重要都係多飲水.

有冷氣嘆確是福氣.XD

悠然
[引用] | 作者 悠然 | 7th Jun 2011 23:09 | [舉報垃圾留言]

以前部門冬天開冷氣夏天洗冷氣,攪到個個怨聲載道;依家調位之後,所有正常不過,可能還未適應嘆冷氣環境者。

[引用版主回覆] | 作者 周周 | 8th Jun 2011 18:41

[1]

冷氣無得較細d乜?
不過向好果邊諗,有冷氣嘆係福氣xD

PONG~
[引用] | 作者 PONG~ | 7th Jun 2011 21:47 | [舉報垃圾留言]

中央冷氣,開得細會比人「孖叉」。

[引用版主回覆] | 作者 周周 | 7th Jun 2011 21:53