香港新浪網 MySinaBlog
« 上一篇 | 下一篇 »
周周 | 1st Jul 2012, 15:34 | 心情小站 | (72 Reads)

退休晚會,沒見很久好友同事從老遠回來聚首一堂,進場時喜氣洋溢,握手道賀,互相問候,過去合作,過往點滴,三數拾年像瀑布流流長回味當年。去到最後散席時候,主人家站在門前送客,人人握手辭別,臨別依依,眼泛淚光,感性的便會攬頭攬頸定要與主人家再度合照。

現時多數人會請專門攝影公司拍照片,不過會很昂貴。但能做到即影即場即印相,席上已可以分發到剛才拍攝過嘉賓照片,即時有相憑證,即時持相留念,那樣便無需事後才由主人家翻印再找回友人送相。

但小場合尤其是同事間合作,大多數會呼喚對攝影有興趣同事去幫忙影輯相留念。我們一向幫開同事做「影相佬」,多會毅然應允,當然毌需付「入場費」,而且可能還有功勞小費車馬費等。參與人仕想影相便一於照辦,東奔西走,食無定時定量,主人家偶有動作便得立即放下碗筷咬著食物匆匆拿起相機「出動」。不時又要引領各位賓客拍照時站立位置,提醒他們將手提袋背囊放下等等。又會顧及場內小品、各式人物,「到此一遊」大合照、或與主人家雙人照片等,一於「濫拍」,盡量將每位角色攝入鏡頭,給主人家有個交待。記憶卡內照片大都先回去作初步處理然後燒到光碟上交回主人家,然而每張存照會否落入與會者手中,就得交由主人家發落。

到了散會那一刻,我們感覺最特別,鏡頭對著不只是人家獲邀賓客,而是我們多年來部份見過面,或是曾經合作過現在闊別已久同事。面前同事只對著邀請者握手道別、寒喧,而沒在意強光下拍攝者亦是和他們好久不見。

搭配足夠電力閃光燈,數碼卡又已取代換菲林年代,什麼都無需理會,什麼都不關己事,只顧狂按快門,從鏡頭望出去,見人就影,將面前所有東西快速寫進記憶卡裡去。


[4]

從不知道有退休晚會的, 真的有人情味!
對啊, 有時喜歡拍照的朋友在晚宴不用負責幫人拍照時, 他們也會說, 真好, 難得可以輕鬆地吃 :)

睡星太后
[引用] | 作者 睡星太后 | 7th Jul 2012 11:18 | [舉報垃圾留言]

幫人影開一次就個個走都要幫手影,好像冇我唔掂。其實我好求期,影完返去要「執」餐死,可能要cut掉三分一,又不是專業影得差唯有咁做。曾試過佢有老友影,我就難得印印腳睇住騷食番夠本。

[引用版主回覆] | 作者 周周 | 8th Jul 2012 09:55

[3]

退休晚會,聽你講好似好溫馨啊(雖然,我無資格講退休‌),可以見證呢D場合真係好好

PONG~
[引用] | 作者 PONG~ | 5th Jul 2012 23:24 | [舉報垃圾留言]

試想下,當你做左幾拾年突然可以放低晒所有以後唔駛返工仲有份大糧百多萬送比你洗,更有同你做左廿九幾年同事朋友陪你慶功,幾咁威水,夠溫馨吧!

[引用版主回覆] | 作者 周周 | 6th Jul 2012 18:34

[2] Re: 周周
周周 :
雖然話就方便,但難一身兼兩職,小場合人少少還可以,大場面定要兩人配合,不過人少也無需勞師動眾。

而家影宴會相好少單打獨鬥, 多數係一個CREW

筏印
[引用] | 作者 筏印 | 2nd Jul 2012 07:03 | [舉報垃圾留言]

到外面搵人影就會有成組人出馬,但係我們圍內公司飲宴都係搵個鐘意影相同事幫手影,叫到我地影,郁下都拾幾席,我都會叫佢搵多個伙記上馬,費事年紀大走全場好辛苦。

[引用版主回覆] | 作者 周周 | 2nd Jul 2012 16:26

[1]

數碼真係好方便,
帶部PRINTER+電腦 去, 差不多= 即影即有

筏印
[引用] | 作者 筏印 | 1st Jul 2012 21:04 | [舉報垃圾留言]

雖然話就方便,但難一身兼兩職,小場合人少少還可以,大場面定要兩人配合,不過人少也無需勞師動眾。

[引用版主回覆] | 作者 周周 | 1st Jul 2012 23:08