香港新浪網 MySinaBlog
« 上一篇 | 下一篇 »
周周 | 23rd Jul 2012, 23:30 | 心情小站 | (112 Reads)

掛了八號風球,關好窗,聽雨聲,聽著狂風暴雨橫掃窗門蓬蓬聲,一時猶如彭拜海浪,聲如洪鐘浪濤,一時又如同住近海邊聽著湧浪沖擦音韻。

Picture

正聽得入神,不知從何而來如波濤起伏,水湧石上又退卻潺潺聲音,猶如在水中央,好不溫馨。

在好奇心驅使下便去找出娓娓動聽聲音來源,這才發覺所謂水湧聲音來自床頭頂冷氣機底盤,大把大把大東方暴風夾集雨水正狂掃入冷氣機排氣部份,底盤一時間承受不了大量雨水湧入,像一個洗臉盤不停加水,直至裝滿一大盤。風繼續吹,底盤內裡的水被風吹送不斷翻滾,便形成像海邊湧上石又退卻淙淙流水聲。

不過可怕事隨即接踵而來,冷氣機盤太多水已滿溢了,但風雨無間,風繼續吹繼續加大量雨水,水來不及退出,便從底盤左右罅隙蜂湧進入室內牆壁房間各處。最嚴重時,多條水柱如水銀瀉地,三頭六臂也堵塞不了,連床鋪也濕了一大片。

晚上十一時半依然聽到底盤內水聲潺潺,水漏不絕,房裡燈閃又閃了好幾次,這風打得太猛,恐怕今晚不能成眠矣!好希望這風快些轉向,走吧!改變方向,繼續懸掛八號波,豈碼輪到下家庄 (南風位)「接財神」(水為財也)。


[8]

最後O個段好似拍緊恐怖片...
真係好耐未感受過咁強嘅颱風...呢邊冇風球呢樣野, 就算再大風都好, 都唔會有八號風球唔駛返工呢回事. 睇黎呢個風都搞到大家冇覺好瞓...

睡星太后
[引用] | 作者 睡星太后 | 26th Jul 2012 20:17 | [舉報垃圾留言]

雖然話打大風好多野唔方便,驚漏水風太勁吹爛物件等;但係久唔久可以提早放工,第二朝又可能多半日假,真正抖,冇街出,全世界留起屋企覺覺豬(與鄰屋相識攻打四方城除外)。

[引用版主回覆] | 作者 周周 | 27th Jul 2012 20:23

[7]

我都遇過相似情況,所有毛巾出動,連廁紙都用晒

PONG~
[引用] | 作者 PONG~ | 25th Jul 2012 22:46 | [舉報垃圾留言]

牆壁有窿罅還可以用狂噴玻璃膠,冷氣機底邊隙就只靠海棉體護著防冷氣外洩,遇水便無用武之地。

[引用版主回覆] | 作者 周周 | 26th Jul 2012 18:29

[6] Re: 周周
周周 : 記得有年新聞報導有冷氣機被強風吹進屋內,所以老人家一到打風就好驚惶,尤其我媽床頭在冷氣機下方。

哇,那是更加危險!

嚴明
[引用] | 作者 嚴明 | 25th Jul 2012 19:39 | [舉報垃圾留言]

心理陰影好大。

[引用版主回覆] | 作者 周周 | 25th Jul 2012 19:57

[5] Re: 周周
周周 :
向正東方,食正大東風,昨晚最犀利,風未停過,不停狂吹,冇一分安靜,水乘風勢夾硬闖進來,水都去唔切便從室內機殼邊罅隙噴出。

我向正東北都冇咁事
不過.... 睇唔到香港電視, 只睇到南方, SZ 衛視

筏印
[引用] | 作者 筏印 | 24th Jul 2012 22:17 | [舉報垃圾留言]

可能我們有靠山,前面又對正山谷,大東風一捲過來就特別犀非利。

[引用版主回覆] | 作者 周周 | 25th Jul 2012 19:56

[4]

哈,我昨晚也想起,冷氣機可能會被大風捲走!幸好沒有。我就想,究竟那裝置能抵受多大的風力。

嚴明
[引用] | 作者 嚴明 | 24th Jul 2012 13:00 | [舉報垃圾留言]

記得有年新聞報導有冷氣機被強風吹進屋內,所以老人家一到打風就好驚惶,尤其我媽床頭在冷氣機下方。

[引用版主回覆] | 作者 周周 | 24th Jul 2012 19:48

[3]

好彩我屋企用嘅係分體式,先冇咁嘅煩惱!

Hipposisi
[引用] | 作者 Hipposisi | 24th Jul 2012 12:15 | [舉報垃圾留言]

係啵,又靜又唔怕被冷氣機阻擋了一隻可以引進鮮風窗門。

[引用版主回覆] | 作者 周周 | 24th Jul 2012 19:53

[2]

早排管理處投訴我家部冷氣機滴水
後來找人睇
個師傅話尼排天氣常落雨
原來條喉塞左
最後用左300圓攪店

biu5000
[引用] | 作者 biu5000 | 24th Jul 2012 10:56 | [舉報垃圾留言]

今勻所遇特大風先至係咁,以往13年來打八號風球都冇出現些情景。

[引用版主回覆] | 作者 周周 | 24th Jul 2012 20:03

[1]

有冇裝去水喉? 可能塞左
冇裝, 就可能裝得太過平...

筏印
[引用] | 作者 筏印 | 24th Jul 2012 00:35 | [舉報垃圾留言]

向正東方,食正大東風,昨晚最犀利,風未停過,不停狂吹,冇一分安靜,水乘風勢夾硬闖進來,水都去唔切便從室內機殼邊罅隙噴出。

[引用版主回覆] | 作者 周周 | 24th Jul 2012 20:01