香港新浪網 MySinaBlog
« 上一篇 | 下一篇 »
周周 | 17th Dec 2013, 23:52 | 不平則鳴 | (218 Reads)

先多謝馬會,使我無端端得到個驚喜。雖然一直以來進貢不小,如買六合彩莫講話頭二三獎未曾中過,其他四五六獎都是小之又少,十年未逢一閏。賭仔望門總是想刀仔鋸大樹,祈求橫財就手。不買多也買少心態,逢賽馬天、六合彩攪珠日必定走入去出一分力。

以下事件中了獎還以為馬會出錯計多給我,根據馬會投注指南那「回扣」一項:《回扣適用於投注於所有本地賽事的獨贏、位置、連贏、位置Q四項指定彩池,不論投注於單場賽事、過關或混合過關時,每彩票(適用於現金投注及智財咭) 或每注項 (適用於電話投注、網上投注服務及其他互動投注服務) 的落敗注項投注總額達港幣$10,000或以上,將獲得該彩票或該注項之落敗注項投注總額的百分之十作回扣。

Picture

那日買了過關飛,第一場開正大冷門,位置Q都千捌。不過其餘各場次注項均敗北過不了關,派彩就只得千捌元。但當看到投注戶口卻多了一項回扣千三餘元,以為電腦出錯,計錯數,明明派彩沒有過萬何來有回扣之理,滿腹疑惑百思不得其解。

幸得朋友解釋箇中原則,再看投注指南4x15過關方式才逐漸明白,贏第一關就已有七注真金白銀預備過落下三關,帳面數就是千捌乘七倍已過萬三。不夠運其餘各關各場皆輸,雖然第一關只收千捌,馬會仍然要依規例為本來已過萬帳面數回扣一成給我。遂變成有這項「正式派彩:1894.20,回扣:$1332.8」的記錄。

總算開心得太遲,無論怎樣幾大都要買冷門馬,爆到七彩就有肉食。任你場場中熱門分得壹百幾拾又如何,一場冷味十足「乜仇都報晒」矣。


[6] Re: 周周
周周 :
都唔錯矣有得幾萬,有得比你中唔會咁易收手,點都想多啲。

我又唔會
即使再玩, 都一樣雞仔注
唔冷唔買, 輸左唔入肉
最常買 w 3x7
偶然買q, 最後果次中係你知幾時搭金銀城
近千蚊q... 之後都好少玩咯

筏印
[引用] | 作者 筏印 | 26th Dec 2013 19:51 | [舉報垃圾留言]

比你贏左收左錢走馬會冇仇報。

[引用版主回覆] | 作者 周周 | 30th Dec 2013 21:16

[5] Re: 周周
周周 :
Win冷極都係幾舊水,位置Q走三個位分分鐘過千,有得兩場過到已肯定過萬了。

我都中過幾次過萬咖
之後就唔賭, 馬會冇仇報..哈
最杰果次係15倍X15倍X25倍

筏印
[引用] | 作者 筏印 | 25th Dec 2013 22:23 | [舉報垃圾留言]

都唔錯矣有得幾萬,有得比你中唔會咁易收手,點都想多啲。

[引用版主回覆] | 作者 周周 | 26th Dec 2013 16:05

[4]

好複雜唔識計...@.@"
如果我要買六合彩, 我唔會用太多錢, 因為我成日覺得個天要我中, 一蚊都會中 :P

睡星太后
[引用] | 作者 睡星太后 | 25th Dec 2013 10:02 | [舉報垃圾留言]

也是,反正我會信,你唔買都會要你買、中!

[引用版主回覆] | 作者 周周 | 25th Dec 2013 20:22

[3] Re: 周周
周周 :
你買多少唔係問題,係比你扑中過關頭關已贏過萬元但未能於尾關起孖才分回扣你,唔駛你輸得好唔抵咁,比些少甜頭,搏你下舖繼續,有賭未為輸也。

起子都冇用
我只賭 win..
過3 關先有機會過萬

筏印
[引用] | 作者 筏印 | 24th Dec 2013 17:10 | [舉報垃圾留言]

Win冷極都係幾舊水,位置Q走三個位分分鐘過千,有得兩場過到已肯定過萬了。

[引用版主回覆] | 作者 周周 | 25th Dec 2013 20:31

[2] Re: 周周
周周 :
整左都好多年咯!我也有多次收回扣,不過全部玩過關贏過萬時候才收過。

證明我冇玩好多年
玩都唔會有.... 雞仔注

筏印
[引用] | 作者 筏印 | 19th Dec 2013 18:46 | [舉報垃圾留言]

你買多少唔係問題,係比你扑中過關頭關已贏過萬元但未能於尾關起孖才分回扣你,唔駛你輸得好唔抵咁,比些少甜頭,搏你下舖繼續,有賭未為輸也。

[引用版主回覆] | 作者 周周 | 23rd Dec 2013 22:26

[1]

馬會學埋 外圍佬..哈

筏印
[引用] | 作者 筏印 | 18th Dec 2013 20:15 | [舉報垃圾留言]

整左都好多年咯!我也有多次收回扣,不過全部玩過關贏過萬時候才收過。

[引用版主回覆] | 作者 周周 | 18th Dec 2013 22:40